ACЭ ЭМНЭЛЭГИЙН ТҮҮХ

АСЭ эмнэлэг нь анх 2004 онд Чингэлтэй дүүргийн нутаг дэвсгэр,  "Тэнгис" кино театрийн баруун хойд талд 10 ор, нэг их эмч, гурван сувилагчийн  орон тоотой цомхон зохион байгуулалттай  эхэлсэн түүхтэй.

Бид хувийн хэвшлийн эрүүл мэндийн салбарт эмэгтэйчүүдийн мэс заслыг давамгайлан хөгжүүлэх, урогинекологийн салбарын эх суурийг тавих зорилгоор үйл ажиллагаагаа явуулж эхэлсэн.

Энэ салбартаа дагнан ажилласаар Эрүүл Мэндийн Яамнаас "Магадлан итгэмжлэгдсэн эмнэлэг" болсон бидний бахархал.











Эмчилгээний зөв оновчтой аргачлал, бодлогын минь нэгээхэн хэсэг болгож үйлчлүүлэгчид үзүүлж байгаа тусламж үйлчилгээгээ сайжруулах зорилгоор эмчлүүлэгч болон түүний ар гэрийнхний зүгээс эмнэлгийн үйл ажиллагаанд хяналт тавих боломжийг бүрэн бүрдүүлсэн. Энэхүү аргачлалыг хэрэгжүүлэхдээ эмчийн үзлэгийг камертай холбож үтрээ дурандах, кольпоскопи, эхо аппаратыг монитороор харуулж, дурангийн мэс заслын явцын бичлэгийг үзүүлэх болон хувилан өгч байгаа зэрэг нь бидний эмчилгээ үйлчилгээ хэний ч өмнө нүүр бардам байдгийн нэгэн баталгаа билээ. Ийнхүү үзлэгийн явцыг эмчлүүлэгчид ойлгомжтой энгийнээр харуулах аргаар эрүүл мэндийн боловсролыг байнга олгож байгаа нь ч бидний нэгэн давуу тал билээ.

Манай эмнэлэг

    * 2006 оноос хэвлийн хөндийг дурандах мэс заслын аппарат ,
    * 2007 онд олон хэмжээст доплерт эхо аппарат суурилуулж эмчилгээний технологийг цаг үетэйгээ нийцүүлэн хөгжүүлж байна.
    * 2008 оноос эмнэлэгийн зориулалтын 800м2 өөрийн байртай болсон нь эмчлүүлэгчдэд улам тав тутай орчныг бүрдүүлж байна.

Ийнхүү өөрийн байртай болж өргөжсөн даруйдаа амбулаторийн үйлчилгээ, шинжилгээний лаборатори , эмийн сан, физик эмчилгээ болон сувиллын эмчилгээ, өдрийн эмчилгээ, эмийн эмчилгээ, мэс заслын эмчилгээг хийх болсноор эмэгтэйчүүддээ эрүүл мэндийн тусламж үйлчилгээг цогц байдлаар хүргэх боломжтой боллоо.

Одоо манай эмнэлэгт:

    * Эх барих эмэгтэйчүүд-эхо оношлогооны их эмч   -4,
    * Эмэгтэйчүүд-урологын их эмч                              - 1,
    * Сэхээн амьдаруулах, эрчимт эмчилгээний их эмч -1,
    * Мэс засал зэрэг хавсарсан мэргэжлийн хэд хэдэн эмч нар ажиллаж байна.

Манай хамт олны 75% нь эрдмийн зэрэг цолтой эмч нар болон дунд шатны мэргэжилтний 60% нь бакалавр цолтой байгааг танд дуулгахад таатай байна.

Бид олон жил эмнэлэг эмнэхүйн салбарт ажилласан хур туршлагаараа нэгдсэн, эвсэг, гар нийлсэн, хамт олон.

Бид Бүгд Найрамдах Солонгос Улс, Бүгд Найрамдах Хятад Ард Улсын эмэгтэйчүүдийн мэргэжлийн эмч нартай хамтран ажиллаж туршлага солилцон мэдлэг мэргэшлээ байнга дээшлүүлэн өдий зэрэгт хүрлээ.

Цаашид гадаадын бусад орны эмнэлгүүдтэй хамтран ажиллах ,үйл ажиллагаагаа өргөжүүлэх, дэлхийн түвшинд хийгдэж байгаа эмчилгээ үйлчилгээг өөрийн эмнэлэгт болон улсдаа нутагшуулан нэвтрүүлэхийн тулд цуцалтгүй ажиллаж байна,

Сүүлийн таван жилийн хугацаанд 60 000 орчим үйлчлэгчидэд эрүүл мэндийн үзлэг хийж хэвтүүлж эмчлэх, мэс заслын эмчилгээ хийх зэргээр иж бүрэн үйчилсний дээр хэвлий нээх мэс засал , дурангийн арга, үтрээний аргын аль оновчтой хэбэрийг сонгон мэс засал амжилттай хийсний үрээр мөн ийм тооны хүмүүс эдгэрлээ.